Radio Ora
Radio Ora është sipas Autoritetit të Mediave Audiovizive në pronësinë e kompanisë Ora Sh.a. Ajo u krijua si mbështetëse për televizionet me emër të njëjtë në kohën kur ato ishin në pronësi të Ylli dhe Mimoza Ndroqit.
Radioja shërben kryesisht si ritrasmetuese e programeve të Ora News edhe pse televizioni është nën pronësinë e një tjetër kompanie në të cilën Ylli Ndroqi kishte deri në prill 2023, 30% të aksioneve, ndërsa pjesa tjetër iu shit baxhanakut të tij, Astrit Sejdini.
Radio Ora nuk ka një programacion të vetin. Ajo ritransmeton në valë radio programacionin e Ora News dhe TV Ora. Të dy stacionet televizive dhe faqja e internetit, oranews.tv, janë të lidhur me familjen Ndroqi që zotëronte aksione te kompanitë menaxhuese.
Aksionet e Ora Sh.a. i kaluan në pronësi Agjencisë së Administrimit të Pasurive të Sekuestruara dhe Konfiskuara në shtator 2023, pasi Gjykata e Lartë rrëzoi një kërkesë për pezullim vendimi të bërë nga Ndroqi dhe bashkëshortja e tij.
Pjesa e audiencës
Tëdhënatmungojnë
Lloj pronësie
Shtetërore
Mbulimi gjeografik
Lokale (Tiranë, Kamëz, Vorë, Durrës, Shijak)
Llloji përmbajtjes
Pa pagesë
Kompani/Grupe mediatike
Ora Sha
Struktura e pronësisë
Kompania Ora është e konfiskuar dhe pronë e Agjencia e Administrimit të Pasurive të Sekuestruara dhe të Konfiskuara (AAPSK)
Të drejta votimi
Kompania kontrollohet nga Agjencia e Administrimit të Pasurive të Sekuestruara dhe të Konfiskuara (AAPSK)
Pronar indvidual
Informacion i përgjithshëm
Viti themelimit
2009
Interesat e lidhur të themeluesit
ish-zotëruesi i 60 % të aksioneve të kompanisë Ora Sha. Ai u shfaq për herë të parë si biznesmen në Shqipëri, me regjistrimin në vitin 2003 të kompanisë Yldon sh.p.k, kapitali i të cilës u rrit në pak kohë. Në vitin 2007, Ndroqi u përfshi në media dhe bleu nga Ilda Prifti aksionet e Ora News (tani RTV Ora) për 25 milionë lekë. Në vitin 2011, ai i transferoi bashkëshortes, Mimoza Ndroqi, 40% të aksioneve.
Në dhjetor 2010, Ylli Ndroqi bleu 100% të aksioneve të Teknotrade sh.p.k për 265,000 euro. Kompania u riemërtua Channel One dhe sëfundmi Ora News. Aksionet e kësaj kompanie të dytë kanë ndryshuar disa herë duar mes Ndroqit dhe ortakut të tij Astrit Sejdini, i cili zotëron sëfundmi 70 % të aksioneve.
Ylli Ndroqi ka themeluar disa kompani të ndryshme. Bazuar në bilancet e publikuara në QKB, vitet 2013-2016 ishin vitet më të mira të biznesit për kompanitë e Ndroqit. Në vitin 2015, kompania kryesore në pronësi të tij në bashkëpunim me kompani të tjera nënshkruan një kontratë koncesionare për ndërtimin e një porti jahtesh në Durrës. Një projekt që nuk u zhvillua. Kompania Albania Bay Marina, e zotëruar 50% nga Ndroqi, është pezulluar.
Në vitin 2020 Struktura e Posaçme Anti Korrupsion, SPAK, që nisi hetimet mbi pasurinë e Ndroqit mbështetur në ligjin antimafia, përmend si arsye arrestimin e tij në Turqi në vitin 1998 dhe një urdhër arresti nga Italia në vitin 2006. Ndroqi, që në dokumentet e prokurorisë figuron edhe me emrin Xhemail Pasmaçiu, është përfshirë sipas SPAK në trafik narkotikësh dhe pasuria e tij nuk justifikohet me burime të ligjshme. Ligji antimafia kërkon që provat për pasurinë t’i japë personi i akuzuar. Gjykata e Posaçme e Shkallës së Parë dhe ajo në Apel i kanë gjetur të drejta pretendimet e akuzës.
Aksionet e kompanisë Ora Sh.a., nën emrin e Ylli Ndroqit 60% dhe bashkëshortes së tij 40 %, që zotëron radion u konfiskuan në prill 2023 me vendim të Gjykatës së Posaçme të Apelit Kundër Krimit të Organizuar dhe Korrupsionit, bazuar në ligjin antimafia.
Aksionet i kaluan në pronësi Agjencisë së Administrimit të Pasurive të Sekuestruara dhe Konfiskuara në shtator 2023, pasi Gjykata e Lartë rrëzoi një kërkesë për pezullim vendimi të bërë nga Ndroqi dhe bashkëshortja.
Bashkë me aksionet e kompanisë që kontrollon RTV ORA, Ylli Ndroqit i janë konfiskuar edhe 30 për qind të aksioneve në televizionin simotër Ora News, ish-Channel One. Po ashtu, atij i janë konfiskuar aksionet në të gjitha kompanitë dhe një sërë pronash private.
Ylli Ndroqi dhe bashkëshortja kanë regjistruar rekurs në Gjykatën e Lartë kundër vendimit të konfiskimit.
Veç biznesit, Ndroqi ishte për 6 vjet konsull nderi i Shteteve të Bashkuara të Meksikës në Shqipëri, 2012-2018, dhe për një periudhë kohe edhe President e më pas President Nderi i shoqatës së konsujve të nderit në Shqipëri. Në vitin 2022, ai u sanksionua nga Departamenti i Shtetit i SHBA-së, për përfshirje në krim të organizuar dhe korrupsion.
Interesat e lidhur të administratorit
është punonjës i Agjencisë së Administrimit të Pasurive të Sekuestruara, AAPS, dhe prej datës 8 gusht është caktuar të jetë administrues i kompanisë Ora Sh.a e cila zotëron 100 për qind televizionin TV Ora dhe Radio Ora.
Interesat e lidhur të kryeredaktorit
është gazetar prej mbi 20 vjetësh dhe ka drejtuar si kryeredaktor ish të përditshmen “Metropol”. Prej disa vitesh, Shima është Drejtor i Informacionit pranë Ora News dhe Tv Ora, që përfshin edhe radion.
Kontakt
Rruga Aleksander Moisiu, Ish-Kinostudioja "Shqiperia e Re", Tirana, Albania.
Email: info@oranews.tv
Tel: +355 42 34 7577
Të dhëna financiare
Të ardhura (in Mil. USD)
Të dhënat mungojnë
Fitim operativ (në Mil. USD)
Të dhënat mungojnë
Reklamat (si % e financimit total)
Të dhënat mungojnë
Pjesa e tregut
Të dhënat mungojnë
Më shumë informacion
Meta Data
Struktura e pronësisë dhe raportet financiare janë të disponuara publikisht në Qendrën Kombëtare të Biznesit të Shqipërisë. Të dhënat financiare i përkasin vitit 2022. Kursi mesatar i këmbimit i vitit 2022 i publikuar nga Banka e Shqipërisë është përdorur për konvertimin e shumave në USD. Për më shumë, shiko burimet.