Radio KLAN
Radio Klan është pjesë e grupit mediatik TV Klan, një nga të mëdhenjtë në vend. Radio Klan zotëron licensë kombëtare për transmetimet audio dhe transmeton muzikë dhe një pjesë të emisioneve të TV Klan. Radio Klan i filloi transmetimet në maj 1997, e themeluar nga Aleksandër Frangaj. Stacioni u bë i njohur brenda një kohe të shkurtër falë programeve “Klani i Natës” i drejtuar nga Arian Çani, emisioni i mëngjesit nën drejtimin e Aldon Lipes, emisioni muzikor nën drejtimin e Bojken Lakos apo “Kafja e Pasdites” e Çlirim Dajës. Me fillimin e punës së TV Klan, radioja filloi ta humbasë shkëlqimin, duke u kthyer më së shumti një kanal muzikor. Për gati dy dekada, Radio Klan ka transmetuar përmes një license rajonale për qarqet e Tiranës, Durrësit, Fierit dhe Vlorës. Në qershor të vitit 2020, Radio Klan u pajis me licensë për radio private kombëtare nga Autoriteti i Mediave Audiovizive, AMA.
Pjesa e audiencës
Tëdhënatmungojnë
Lloj pronësie
Private
Mbulimi gjeografik
Kombëtar
Llloji përmbajtjes
Pa pagesë
Kompani/Grupe mediatike
Grupi Klan
Struktura e pronësisë
Radio Klan zotërohet nga Radio Klan sh.a. Kompania Radio Klan sh.a është 100% në pronësinë e TV Klan sh.a të familjes Frangaj.
Të drejta votimi
Vetëm aksionerët kanë të drejtën e votës.
Pronar indvidual
Informacion i përgjithshëm
Viti themelimit
1997
Interesat e lidhur të themeluesit
ish-gazetar dhe sipërmarrës në media, i cili gjatë viteve të fundit e ka zgjeruar biznesin edhe në fushën e ndërtimit dhe pasurive të paluajtshme. Ai është bashkë-themelues i gazetës “Koha Jonë”, e para gazetë e pavarur e botuar pas rënies së komunizmit në Shqipëri. Në vitin 1997, Frangaj hapi Radio Klan dhe themeloi kompaninë “Media 6” së bashku me dy biznesmenët Julien Roche dhe Marsel Skëndo. Frangaj zotëronte 50% të kompanisë, ndërsa partnerët e tij në biznes nga 25% secili. “Media 6” botoi revistën “Klan” dhe lançoi stacionin televiziv me të njëjtin emër. Në vitin 2013, kompania e ndryshoi emrin nga “Media 6” në “TV Klan” dhe zotërohet sot nga Aleksandër Frangaj në 60% të aksioneve dhe bashkëshortja e tij, Alba Gina, me 40%.
Ndonëse Radio Klan ka qenë gjithmonë pjesë e grupit mediatik të Frangajt, në Qendrën Kombëtare të Biznesit kanë rezultuar për një periudhë kohe pronarë të tjerë. Kompania është regjistruar fillimisht në vitin 2009 nga Florilda Bregu, e cila në vitin 2015 ia shiti aksionet Pal Tomës për 200 mijë lekë. Ndërsa në mars të vitit 2021, Pal Toma ia shet aksionet “TV Klan” sh.a për 8 milionë lekë.
Përgjatë viteve, Frangaj u angazhua në themelimin apo blerjen e disa stacioneve të tjera televizive në Shqipëri, Kosovë dhe Maqedoni, të tilla si Klan Kosova, ABC News apo Klan Macedonia si dhe inicioi platformat me pagesë Satellite + në 2004 dhe Supersport në 2006, përmes aksioneve që zotëroheshin nga bashkëshortja e tij. Sot grupi i tij mediatik përbëhet nga TV Klan, Klan News, Klan Plus, Klan Macedonia si dhe Radio Klan, ndërsa Gina zotëron 8% të aksioneve në platformën me pagesë DigitAlb.
Interesat e lidhur të administratorit
administratore e kompanisë Radio Klan sh.a prej korrikut 2020. Ajo ka një karrierë më shumë se 20 vjeçare si koordinatore dhe producente në TV Klan. Nora Klosi është bashkëshortja e politikanit Blendi Klosi, deputet, ish-ministër dhe aktualisht sekretar i Përgjithshëm i Partisë Socialiste në pushtet. Ajo zotëron gjithashtu një kompani konsulence marketingu dhe art-design.
Interesat e lidhura të njerëzve të rëndësishëm
inxhinier në profesion dhe pjesë e televizionit Klan prej vitit 1997. Ai është anëtar i Këshillit Mbikëqyrës të Tv Klan dhe Radio Klan
drejtor i Programacionit në TV Klan si dhe anëtar i Këshillit Mbikëqyrës në TV Klan dhe Radio Klan.
ka punuar në TV Klan që nga viti 1997. Ai mban postin e drejtorit Teknik të televizionit dhe është gjithashtu anëtar i Këshillit Mbikëqyrës në TV Klan dhe Radio Klan.
Kontakt
Të dhëna financiare
Të ardhura (in Mil. USD)
0.34 Mln.$/ 38 Mln.Lek
Fitim operativ (në Mil. USD)
0.06 Mln.$/ 7 Mln.Lek
Reklamat (si % e financimit total)
Të dhënat mungojnë
Pjesa e tregut
13%
Më shumë informacion
Meta Data
Struktura e pronësisë dhe bilancet financiare janë publikisht të pranishme në Qendrën Kombëtare të Biznesit në Shqipëri. Të dhënat financiare të siguruara i përkasin vitit 2022. Për të konvertuar shumat në dollarë u përdor kursi mesatar i këmbimit i Bankës Qendrore për vitin 2022. TV Klan iu përgjigj një kërkese për informacion të ekipit të MOM. Për më shumë, shikoni burimet.